Gazetari sportiv Xhevdet Zekaj ka publikuar një foto nga shtëpia ku tregon se po i marrin tamponin për të zbuluar nëse është i infektuar ose jo me Covid.
Zekaj pasi ka publikuar foton ka bërë edhe një postim në rrjete sociale ku shkruan se kush i ka besuar zotit nuk është penduar. Më tej me besim thotë se do ia dalë.
“Kush i ka besuar veç zotit dje nuk është penduar. Prag Covid 19! Tampon. Do ja dal”, shkruan gazetari në “facebook”.
Kujtojmë se ditën e djeshme 108 raste të reja u konfirmuan pozitive me COVID për 24 orë.
Deri tani 125 qytetarë në vend nuk e kanë fituar betejën me coronavirusin që ka mbërthyer mbarë botën.
*Përditësim: Gazetari ka rezultuar negativ dhe këtë e bën me dije përmes një reagimi sqarues për miqtë. "Faleminderit për fjalët e sinqerta dhe solidaritetin! Nuk më ka prekur Covid! Jam negativ! Ky status për personat që kanë kontaktuar me mua! Frikë jo, por kujdes po", ka thënë ai.