Hapësire reklamuese

Çështjet kryesore

Aktualitet

Gazetari shpërthen ndaj politikanëve: Karagjozë zhdukuni nga parlamenti, as ma ndjen fare për negociatat

Shkruar nga Newsbomb
Foto nga Kuvendi e publikuar nga Kikia

Gazetari Mentor Kikia ka shpërthyer ashpër ndaj politikanëve në një postim në rrjetet sociale.

Kikia thotë se nuk i duron dot më deputetët, të cilët i quan “karagjozë” e “palaço” dhe kërkon të zgjedhje të parakohshme parlamentare që nesër.

Gazetari deklaron se nuk i intereson asnjë parti, por dëshiron vetëm të zhduken nga parlamenti deputetët, për të cilët thotë se paguhen me taksat e tij dhe të qytetarëve.

“Ndaj zgjedhje urgjent! Dhe urgjent shqiptarë, në këmbë, të gjithë. Të hiqen të gjitha privilegjet që deputetët gëzojnë me ligj. Sepse nuk meritojnë as një kacidhe nga paratë e djersës tonë, pale privilegje”, bën thirrje Mentor Kikia.

Postimi i plotë në Facebook:

Nuk i duroj më këta karagjozë që paguhen si deputetë me paratë e mia!

Unë dua që të bëhen zgjedhje parlamentare që nesër. Dhe nuk më intereson fare se cila parti fiton. Dua të jem tërësisht i papërgjegjshëm për forcën politike dhe programin ekonomik. As ma ndjen fare për negociatat dhe integrimin. Dua vetëm të zhduken nga ai parlament një dyzinë karagjozësh e palaçosh, që marrin guximin e dalin edhe nëpër ekrane.

Edhe ata quhen ligjvënës. Edhe ata paguhen më paratë e mia. Unë punoj 12 orë në ditë, bëj vetëm një ditë pushim në javë dhe paguaj 25% të pagës time taksë. Me paratë e mia paguhen këta qelbësira, që nuk dinë të lidhin asnjë fjalë, që bëjnë biznes me mandatin e deputetit dhe që me errin sytë kur i shikoj. Me paratë e mia këta kanë të drejtë të marrin edhe pension suplementar kur të dalin në pension, që do të jetë sa trefishi i pensionit tim. Këta palaço kanë të drejtë edhe të kurohen jashtë vendit, po me paratë e mia, kur tu rrezikohet shëndeti. Po me paratë e mia, këta kanë të drejtë të marrin edhe kredi të buta nga shteti, po të buta fare, pa interes, për të blerë shtëpi. Unë paguaj kreditë e bankave që të thithin gjakun, kur ta mbarosh.

Ndaj zgjedhje urgjent!

Dhe urgjent shqiptarë, në këmbë, të gjithë. Të hiqen të gjitha privilegjet që deputetët gëzojnë me ligj. Sepse nuk meritojnë as një kacidhe nga paratë e djersës tonë, pale privilegje.

Lexo gjithashtu

Sondazh

Poll