Hapësire reklamuese

Çështjet kryesore

OpEd

Gazetari bën thirrje: Të ndalohet Alfred Cako

Shkruar nga Newsbomb
Gazetari bën thirrje: Të ndalohet Alfred Cako

Gazetari Edmond Harizaj ka bërë thirrje që të ndalohet aksesi në medie konspiracionistit Alfred Cako. Në një postim në rrjetet sociale ai shkruan se Cako mund të jetë duke u përpjekur të hyjë në histori si profet, por sipas tij ai nuk mund të jetë i saktë me parashikimet që bën, ndaj thotë se duhet ndaluar.

Harizaj thotë më tej se e ka dëgjuar këtë të fundit shpesh herë teksa panikos qytetarët, lidhur me numrin e vdekjeve si pasojë e Covid-19. 

Komenti i plotë i Edmond Harizajt:

Fred Cako mund të jetë i çmendur. Por mund të jetë duke marrë famë e duke shitur librat e tij me konspiracione. Mund të jetë duke krijuar kishën e tij shqiptare të cakizmit. Por mund të jetë duke u përpjekur të hyjë në histori si profet. Asgjë nga këto nuk është e jashtëligjshme deri më sot. Moralin e lëmë mënjanë. S’ka ligj që ndalon çmendurinë, e as ligj që ndalon profetizimin…Pra Cako mund t’ja fusi pordhës sa të dojë, lidhur me parashikimet e tij apokaliptike. Pooooor:

1. Unë rastisa e dëgjova diku pak para se të shkonte ora 18.00 në një TV kombëtar, teksa bënte thirrje për mosvaksinim dhe paralajmëronte vdekje të njerëzve nëse vaksinohen!!!

2. Unë e dëgjova teksa i drejtohej indirekt mjekut Ilir Alimehmeti i pranishëm nëpërmjet skype, “nëse është burrë…” dhe në vazhdim “mjekët nuk flasin se u heqin bluzat e bardha”.

3. Unë e dëgjova në ato pesë minuta, teksa bënte thirrje, frikësonte, panikoste, kërcënonte, vinte baste për numrin e të vdekurve dhe arkivolëve deri në Prillin e ardhshëm (dhe drejtuesja e emisionit që ishte gati të pranonte bastin, a thua do turpërohej Çako po mos t’i dalë fjala, e sikur po flisnin për kumbulla e jo për të vdekur!!!)

Pyetja ime është e thjeshtë: A ka njeri, organ ligjor, kod etikë që mund ta ndalë këtë njeri dhe zezonat që ndjell, pa asnjë fakt, pa asnjë burim, pa asnjë studim? Si gjithë “profetët” e Botës ai mund të ketë dritaret e tij në rrjete sociale, dhe rrallë ndonjë dalje tip Çani.Daljet e tij dhe ftesat e papushimta në media kombëtare e bëjnë qesharake “të drejtën e fjalës” dhe përpara të drejtës së shikueshmërisë e klikimeve, interesi i publikut duket po aq qesharak kur përmendet rëndom.

Pyes sërish: Mjekun e respektuar (për mua) kush e mbron? Sepse ai pati një sulm verbal krejt të pavend, që më pas nis e përhapet nga “dishepujt” e Çakos në rrjetet sociale dhe mjekun e kthejnë shpejt në objekt të gurëve teknologjikë.

Pyes në fund, më shumë veten: Nuk e kuptojnë këta që bëjnë emisione interesante me profetë, që vala e budallallëkut mund t’i marrë edhe ata para si pa kuptuar.

Sondazh

Poll