Gazetari i lajmeve në televizionin kombëtar Top Channel, mohon lajmet pas ‘furtunës’ së reagimeve në rrjetet sociale.
Mediat publikuan ‘screen shot’ të Ilir Paços që i jepte ‘zemra’ statuseve për ekstremistin grek Kostandinos Kaçifas i cili mbeti i vrarë në Bularat.
Ndër të tjera ishte edhe një koment ku shkruante ‘i pavdekshem”, referuar figurës së Kaçifas mirëpo vetë Ilir Paço e mohon gjithë këtë.
Ai thotë për newsbomb.al se nuk ka profil në rrjetet sociale dhe se e gjitha është sajuar.
Ndërkaq, shumë akuzojnë se Paço e mbylli facebook-un menjeherë pas valës së reagimeve kundër.
Fakt është që as profili për të cilin Ilir Paço thotë se është ‘fake’, tashmë nuk ekziston dhe në këto kushte situata është e paqartë.
Kush do donte t’i bënte keq gazetarit duke sajuar një gjë të tillë pikërisht tani nuk dihet por ajo që dihet me siguri është se s’ka as ‘zemra’ më e as komente nëpër linqet e lajmeve të Kaçifas, ekstremistit grek që u vra në Bularat.