Ditën e sotme ka filluar puna në oborrin e burgut të Burrelit, për të bërë të mundur gjetjen e eshtrave të viktimave të Komunizmit.
Task Forca e Posaçme ka nisur gërmimet me lopata dhe eskavatorë, me shpresën për të gjetur gjurmë të varreve të humbura në atë kohë.
Kryetarja e AIDSSh (Autoriteti për Informim mbi Dokumentet e ish-Sigurimit të Shtetit), Gentiana Sula, ka publikuar disa foto nga puna dhe ka thënë përmes një shënimi në rrjete sociale, se ky proces është i domosdoshëm dhe i përgjegjshëm.
"po ndodh.
Nen udheheqjen e Task Forces se posacme, po germohet ne oborrin e Burgut te Burrelit per te gjetur gjurme te varreve te humbur ne komunizem. Do te jete nje proces shume i gjate, the mbase i pasukseshem ne disa raste, por i domosdoshem dhe i pergjegjshem.
I uroj familjareve kurajo, durim dhe force per te vene ne vend dinjitetin njerezor te te dashurve te tyre".
Urdhrin për fillimin e punimeve e ka firmosur kryeministri Edi Rama.