Florand Shehu, 40-vjeçari shqiptar i cili vrau bashkëshorten me thikë, ka dalë sot para gjykatës, por nuk ka thënë asgjë. Me kokën ulur për krimin e kryer, ai ka kërkuar kohë për përgatitjen e mbrojtjes ndaj tij.
Ngjarja e rëndë ndodhi ditën e djeshme në lagjen Daphne në Athinë, ku pas debatit të ashpër në banesën e tyre, Florand Shehu vrau me thikë bashkëshorten Anisa Shehu, 31 vjeç dhe më pas u vetëdorëzua në polici.
Mediet lokale shkruajnë se nga ekzaminimi mjeko-ligjor rezultoi se e reja është qëlluar me një thikë 28 cm, duke marrë plagë të shumta në qafën e mitrës.
Fqinjët e çiftit u shprehën se ata së fundmi kishin patur debate të shpeshta me njëri-tjetrin, madje duke e dëgjuar shumë herë Anisa Shehun, nënë e një djali duke kërkuar ndihmë.