Hapësire reklamuese

Aktualitet

FOTO/ Ky është 22-vjeçari i arrestuar për ekzekutimin e Hekuran Billës tek Kristali, është nipi i viktimës që Hekurani vrau në Angli

Shkruar nga Newsbomb
Sebastiano Mali

Personi që shihni në foto është Sebastiano Mali, 22 vjeç. I riu ka ka informuar atentatorët për ekzekutimin e 40 vjeçarit, Hekuran Billa, më 11 qershor në Komunën e Parisit në Tiranë.

22-vjeçari Mali, banues në Tiranë, u arrestua nga policia si bashkëpunëtor në vrasjen e Billës. Ka dyshime se Sebastiano e ka ndjekur viktimën dhe ka lajmëruar atentatorët për lëvizjen.

malii.jpg

Mali është nipi i Prel Markut, që u vra nga Hekuran Billa në Angli në tetor të vitit 2006, vrasje për të cilën u dënua me burgim të përjetshëm. Ai u dënua me 33 vite burg nga gjykatat britanike dënim i konvertuar me 25 vite sipas legjislacionit shqiptar. 

Në kërkim për ngjarjen është shpallur Viktor Marku, vëllai i viktimës.

Njoftimi i Policisë:

Vijon puna intensive për zbardhjen dhe dokumentimin e plotë të ngjarjes së ndodhur mbrëmjen e 11 qershorit, ku mbeti i vrarë me armë zjarri shtetasi H. B.

Identifikohet, kapet dhe vihet në pranga një nga bashkëpunëtorët në vrasjen e shtetasit H. B.

Më parë është shpallur në kërkim dhe një nga autorët e dyshuar të kësaj ngjarjeje.

Nga Sektori i Krimeve të Rënda ndaj Jetës dhe Pronës dhe Sektori i Forcës Operacionale dhe Kërkimit në DVP Tiranë, pas një pune të mirorganizuar dhe të pandërprerë, nën drejtimin e Prokurorisë së Rrethit Gjyqësor Tiranë, u bë i mundur ndalimi i shtetasit S. M., 22 vjeç, banues në Tiranë.

Ndalimi i këtij shtetasi u bë pasi, në datën 11.06.2020, rreth orës 21:50, në rrugën ”Prokop Mima” Tiranë, ka bashkëpunuar në vrasjen me armë zjarri të shtetasit H. B. Shtetasi S. M. është nipi i shtetasit P. M., i cili është vrarë në vitin 2006, në Angli, nga shtetasi H. B.

Menjëherë, pasi ndodhi kjo ngjarje është bërë edhe shpallja në kërkim e shtetasit V. M., si një nga autorët e dyshuar të kësaj ngjarjeje.

Në cilësinë e provës materiale janë sekustruar 3 automjete dhe një sërë provash të tjera materiale, me të cilat dokumentohet implikimi i këtij shtetasi në këtë ngjarje.

Ndërkohë, vazhdon puna për identifikimin dhe kapjen e autorëve të tjerë të mundshëm të përfshirë në këtë ngjarje.

Materialet për ndalimin e shtetasit S. M. i kaluan Prokurorisë së Rrethit Gjyqësor Tiranë, për veprat penale “Vrasja për gjakmarrje”, e kryer në bashkëpunim dhe ”Armëmbajtja pa leje”.

Sondazh

Poll

Lexo gjithashtu