Mëngjesin e sotëm, në një nga kryqëzimet e bulevardit “Zogu I” në Tiranë, ka mbetur e vendosur në kornizë në mes të rrugës foto e Jonidës, vajzës që në mënyrë brutale u mbyt nga i dashuri i vet, e për të cilën, shoqëria e fshatit nuk zhvilloi as funeral.
Por dje, është zhvilluar një protestë e vogël në kryeqytet. Pavarësisht zemërimit që shqiptarët bënë në rrjetet sociale, shumë pak njerëz morën pjesë në protestën mesazh të ditës së djeshme. Megjithatë, foto e Jonidës, ka mbetur edhe sot aty, tek i njëjti vend, si homazh dhe kujtesë për të gjithë shqiptarët që s’duan të protestojnë për dhunën ndaj femrës.