Një aksident ka ndodhur paraditen e sotme në aksin rrugor “Lezhë-Tiranë”, në afërsi të Fushë-Mamurrasit ku një automjet tip “Audi A5” ka dalë nga rruga dhe ka përfuduar në kanal.

Shoferi i automjetit 19-vjeçari G.D. ka humbur kontrollin dhe për pasojë makina ka përfunduar në një kanal duke u kthyer përmbys.

Nga aksidenti kanë mbetur të plagosur lehtë 3 të rinj pasagjerë të cilët ishin duke udhëtuar me këtë automjet, përkatësisht 18-vjeç dhe dy 17-vjeçarë.

Të plagosurit lehtë janë dërguar në spital rajonal të Kurbinit për trajtim mjekësot, ndërsa policia në vendngjarje po punon për të zbardhur rrethanat e aksidentit.

Policia:

Rreth orës 11:30, në aksin rrugor “Lezhë-Tiranë”, shtetasi G. D., 19 vjeç, ka humbur kontrollin mbi drejtimin e automjetit tip “Audi A5” dhe si pasojë automjeti ka dalë nga rruga.

Nga aksidenti janë dëmtuar lehtë 3 pasagjerët në automjetin që drejtonte ky shtetas, njëri prej tyre 18 vjeç dhe 2 të tjerët 17 vjeç, të cilët po marrim mjekim në spitalin e Kurbinit.   

Ne foto: “Audi A5” perfundon ne kanal

Ne foto: “Audi A5” perfundon ne kanal