Rrëzimi i një helikopteri me drogë në Malaga të Spanjës me drejtuesnjë pilot të Forcave të Armatosura shqiptare, ka shtyrë të reagojë zyrtarisht dhe FA përmes një deklarate publike.
Koloneli Flamur Hadushi kërkoi që Forcat e Armatosura të mos njollosen lidhur me rastin e helikopterit me hashas që drejtohej nag Sokol Feka, i vdekur në aksidentin ajror.
“Forcat e Armatosura nuk mund të njollosen për një njeri të vetëm. I bëj thirrje publikut që të mos i përgjithësojë raste të tilla sporadike me punën tonë të përditshme. Ngjarja ku gjeti vdekjen major Sokol Feka është një ngjarje e rëndë, e cila flet për domosdoshmërinë e reformimit të thellë që kemi ndërmarrë në të gjitha nivelet e drejtimit të FA. Është një ngjarje që flet po ashtu për rëndësinë e zbatimit të rregullave dhe procedurave për daljet jashtë vendit të personelit ushtarak si dhe nevojën që të rrisim më tej integritetin e të gjithë efektivëve tanë.
Ky rast nuk mund të hedhë poshtë punën e personelit të Forcës Ajrore për realizimin e misionit të saj kushtetues, për sigurimin në bashkëpunim me NATO të sovranitetit ajror, të krijimit të kapaciteteve të vëzhgimit ajror, mbështetjen e strukturave të tjera të Forcave të Armatosura dhe veçanërisht në mbështetje të drejtpërdrejtë të popullit, në përballimin e emergjencave civile” tha kolonel Hadushi.
Sondazh
Lexo gjithashtu
