Ditën e djeshme mediet raportuan se këngëtarja kosovare Fjolla Morina u arrestua nga Policia në Prishtinë.
Zëdhënësi i Policisë së Kosovës, Daut Hoxha, në një prononcim për mediet kosovare tregoi arsyen e ndalimit të këngëtares, duke thënë se ajo është ndaluar për verifikim bazuar në një urdhër aktiv ndërkombëtar, por më pas është lënë e lirë.
“E njëjta është ndaluar për verifikim bazuar në një urdhër aktiv ndërkombëtar dhe duke marrë parasysh vendimet e organeve të drejtësisë me urdhër të prokurorit e njëjta është lënë e lirë”, tha Hoxha.
Ndërkohë këngëtarja Morina ka reaguar sërish në lidhje me lajmet për arrestimin e saj në Prishtinë duke iu drejtuar me një mesazh të gjithë atyre që raportuan arrestimin e saj, ndërsa pozon nga vaska.
“Media te dashuna Apo kini pun shyqyr qe po kini Fjolla Morines mja majt zhagin kto dit lufte e pju nxiri pi krizes shume.Energji pozitive jeni tum jep ju dua shume”, ka shkruar Fjolla Morina në foton e publikuar në Instagram.