Tirana
clear sky
8.5 ° C
8.5 °
8.5 °
93 %
1.5kmh
0 %
Pre
11 °
Sht
16 °
Die
13 °
Hën
15 °
Mar
16 °
E premte, 2 Dhjetor, 2022

“Fituesi i parashpallur”, kandidatja zbulon pse braktisi garën për kreun e FRPD-së: Të gjithë e kuptuam lojën e padrejtë që po luanim…

spot_img

Lajme të ngjashëm

Ish-kandidatja për zgjedhjet në FRPD, Barbara Doda, në një reagim në zgjedhjet sociale zbulon pse u tërhoq  nga gara në zgjedhjet e Forumit Rinor të PD-së, ku fitues u shpall Besart Xhaferri.

Përmes një postimi në Facebook, Doda, thotë se fituesi ishte i parashpallur ndërsa zgjedhjet ishin një farsë. Më tej ajo shprehet se duke u nisur nga ky fakt, refuzoi të bëhet pjesë e garës si dhe si dhe të gjithë strukturat e angazhuara në zgjedhje ishin të njëanshme.

Sipas demokrates, PD ka nevojë për standarte të reja dhe një garë të vërtetë me lista të mirëqena, komisionerë dhe me standarte që shpeshherë i kërkojnë përballë kryeministrit Edi Rama.

“Gara për Forumin nuk plotësoi as kërkesat minimale për të qenë e tillë, sidomos ditën e votimit ku parregullsitë me listat e anëtarëve dhe numrin e votave janë të shumta”, shprehet ajo ndër të tjera.

Reagimi i plotë:

Të dashur miq, mbështetës, dhe anëtarë të forumit.

Dua t’ju falenderoj nga zemra të gjithëve ju që më keni mbështetur gjatë këtyre javëve. Kam pasur mundësinë të njoh nga afër shumë prej jush dhe jam më e bindur se kurrë se rinia në Shqipëri meriton shumë më shumë se çfarë i ofrohet deri më sot.

I kam parë nga afër talentet tuaja dhe u jam mirënjohëse për kohën që më keni dedikuar jo thjesht mua, por këtij procesi për të cilin aq shumë kishte nevojë Forumi. Sot jam më e bindur se kurrë se e ardhmja e Shqipërisë do të jetë e ndritur nëse ajo u takon ju.

Besoj fort se çdo ide dhe fjalë që kam ndarë me ju gjatë fushatës duhet të jetë rruga e duhur për Forumin dhe për PD-në. Nëse Forumi nuk ndryshon, nëse ai nuk reflekton më të mirën e asaj që ka ky vend, nuk do të ndryshojë as PD, e nuk do të ndryshojë as vetë Shqipëria.

Fatkeqësisht sot nuk besoj se shumë prej këtyre pritshmërive u plotësuan. Përtej rezultatit final, i cili mund të kishte qene i ngjashëm edhe me një garë model, shumë prej parimeve dhe standardeve të cilave u besova deri në fund, qoftë edhe naivisht, nuk u plotësuan. Gara për Forumin nuk plotësoi as kërkesat minimale për të qenë e tillë, sidomos ditën e votimit ku parregullsitë me listat e anëtarëve dhe numrin e votave janë të shumta.

Por përtej kësaj, e kishim kuptuar pothuajse të gjithë lojën që po luanim, një lojë e padrejtë dhe e pandershme, pa rregulla dhe standarte. Dua t’ju them që në moment që e kuptova, refuzova tërësisht të bëhesha palë e një proçesi që do dëmtonte strukturat dhe degët e FRPD-së. Tërhoqa 0 formularë për anëtarësime dhe nuk dërgova asnjë person në grupet e punës, që për mua ishin tërësisht të njëanshme. Për këtë gjë më besoni që së bashku me kandidatët e tjerë kemi trokituar në çdo derë të PD-së dhe nuk na u dha zgjidhje.

Na kanë pyetur shpesh nëpër degët e FRPD-së, përse rrinim në garë, përse bëheshim pjesë e një proçesi të tillë. Por le te dihet sot, se ka të rinj në PD që do i dalin për zot, ka të rinj në PD që s’kanë frikë nga e vërteta, ka të rinj në PD që duan vërtetë ta ndryshojnë e ta bëjnë fituese atë, pavarësisht kostove.

Por që të ndryshojë, Partia Demokratike ka nevojë për standarde të reja. Ka nevojë për garë të vërtetë ku listat, komisionerët, numëruesit janë ta garantuar me kohë. Ka nevojë të plotësojë ato standarde që me të drejtë i kërkojmë Edi Ramës sa here dalim në zgjedhje përballë tij.

E ardhmja e afërt na detyron të kemi zgjedhje të reja brenda nesh. Le të jetë gara e Forumit një mësim se si NUK duhet bërë ky proces. Primaret e ardhme të PD duhet të jenë një garë model jo vetëm për të rivendosur besimin e thyer në procesin e zgjedhjeve por edhe për të tërhequr pas nesh elitën e shoqërisë. Unë sot jam e sigurtë që ka plot njerëz që i kanë sytë dhe shpresat e tyre nga Partia Demokratike. Por e di po aq mire se koha kalon shpejt dhe mundësitë për të bindur këtë pjesë të shoqërisë po zvogëlohen. Qoftë gara e Forumit një kapitull i fundit në historinë e Partisë sonë.

Faleminderit dhe njëherë anëtarëve të Forumit dhe Partisë. Kjo është shtëpia jonë, dhe të ardhmen e saj duhet ta përcaktojmë ne!

Më shumë




spot_img








spot_img