Radio Televizioni Shqiptar ka konfirmuar emërimin në poste drejtuese të Rezart Agës dhe Bledar Zaganjorit. Dy ish-drejtuesit e lartë të Top-Channel, pas largimit nga ky televizion, kanë gjetur strehë në RTSH.
Gjatë mbledhjes së Këshillit Drejtues të RTSH-së është emëruar gjithashtu drejtues i Njësisë Teknike, Henri Muça, i cili më parë ka pasur të njejtin pozicion në kompaninë DigitAlb.
Njoftimi i RTSH:
Këshilli Drejtues i RTSH, në mbledhjen datës 08.06.2016, në kuadrin e ristrukturimit të plotë të RTSH, me propozim të Drejtorit të Përgjithshëm z. Thoma Gëllçi vendosi:
1. Lirimin nga detyra të Drejtorit të Radio Tiranës, Drejtorit të Televizionit Shqiptar, Drejtorit të Aktualitetit, Drejtorit të Programit Satelitor, Drejtorit të Stacioneve Transmetuese dhe lënien e tyre në dispozicion të Drejtorisë së Përgjithëshme.
2. Me propozim të Drejtorit të Përgjithshëm, Këshilli Drejtues vendosi:
· Emërimin e z. Rezart Aga, Drejtues i Njësisë të Programeve Radiotelevizive
· Emërimin e z. Bledar Zaganjori, Drejtues i Njësisë të Programeve Tematike dhe Lajmeve
· Emerimin e z. Henri Muça, Drejtues i Njësisë Teknike në RTSH.