Tirana
few clouds
-0.5 ° C
-0.5 °
-0.5 °
86 %
1kmh
20 %
Die
10 °
Hën
9 °
Mar
10 °
Mër
10 °
Enj
11 °
E diel, 29 Janar, 2023

Financimi rus/ Gazment Bardhi “ia pason topin” Bashës: Unë s’kam lidhje…

spot_img

Lajme të ngjashëm

Deputeti i Partisë Demokratike, Gazment Bardhi, ka komentuar raportin e SHBA mbi financimin rus të fushatës së PD në zgjedhjet e 2017.

Në një deklaratë për mediet, ai e cilësoi këtë raport si thashethem të vjetër, ndërsa thekson se duhet të pyeten drejtuesit e kësaj force politike askokohe, pasi ai vetë nuk ka patur asnjë funksion.

“Së pari unë njihem si Gazment Bardhi dhe mbaj përgjegjësi për emrin tim. Ai lajm nuk është i ri , ai është një lajm dhe thashetheme i bërë prej kohësh që ka marrë një përgjigje nga Basha dhe s’kam një koment shtesë. Nëse cënohen marrëdhëniet me SHBA-të, PD do të jetë gjithnjë në krah të SHBA-ve. Për këtë çështje referohuni zyrtarëve të PD-së që kanë qenë në krye të PD-së në ato vite. Në 2017, nuk kam pasur asnjë funksion apo detyrë në PD”, deklaroi Bardhi.

Më herët reagoi edhe ish-kryetari i Partisë Demokratike, Lulzim Basha, i cili u tha se PD nuk ka marrë asnjë financim të huaj dhe aq më pak me burim rus.

“Partia Demokratike nuk ka marrë kurrë asnjë financim të huaj e aq më pak me burim rus. Kur pretendime të tilla u qarkulluan në disa media, Partia Demokratike i kërkoi zyrtarisht drejtësisë hetimin e këtyre akuzave dhe bashkëpunoi plotësisht me drejtësinë e cila hodhi poshtë”, u shpreh Basha.

Lexo edhe: SHBA nxjerr SKANDALIN: Putin ka financuar fshehurazi Partinë Demokratike me 500 mijë dollarë në zgjedhjet e 2017

Lexo edhe: “Putin i dha 500 mijë dollarë për fushatë”, Basha hedh poshtë raportin e SHBA-së: PD nuk ka marrë kurrë para nga Rusia

Më shumë


spot_img








spot_img