Kryeminsitri Edi Rama thotë se vaksinimi masiv i të moshuarëve në vendin tonë, do të nisë së shpejti. “Në majë të gjuhës e kam lajmin”, tha Rama, ndërsa shtoi se duhet “dhe pak fare”.
Sipas kryeministrit, fillimi i vaksinimit masiv për gjyshet dhe gjyshërit është fiksimi dhe ambicia e tij.
“Në majë të gjuhës e kam lajmin, po do ta mbaj dhe pak fare. Për gjyshërit dhe gjyshet, që janë pika më e dobët e çdo familje nga pikëpamja e dashurisë dhe kujdesit, por edhe nga pikëpamja e shëndetit, janë pika më e dobët.
Fillimi i vaksinimit masiv për gjyshet dhe gjyshërit, është fiksimi, ambicia dhe qëllimi i vajtjes time në punë gjatë kësaj periudhe. Me ndihmën e Zotit, dhe me ndihmën e miqve, dhe me këmbënguljen tonë, besoj që lajmi i mirë do dali nga goja më në fund. Edhe pak fare”, tha Rama, nga Kamza ku ndoqi procesin e vaksinimit.