Hapësire reklamuese

Aktualitet

Fillimi i ndryshimit në televizionin publik lokal RTSH Gjirokastra

Shkruar nga Newsbomb

Nga Engjëll SERJANI

Ndryshime të vogla por me dashuri të madhe

Një fjalë e mençur e Shenjtores Shqiptare, Nënës së Madhe Terezë thotë:  “Jo të gjithë ne mund të bëjmë gjëra të mëdha. Por ne të gjithë mund të bëjmë gjëra të vogla me dashuri të madhe”.

Kjo logjikë e thjeshtë mendimi dhe veprimi, i parapriu dhe shoqëroi punën e stafit të Qendrës Vendore Audiovizive Gjirokastër për një fillim të suksesshëm të sezonit të ri mediatik, për këtë “satelit” të vogël, por të rëndësishëm të gjigandit mediatik publik shqiptar, Radio Televizionit Shqiptar.

Në fillim ndyshon mendimi dhe pastaj vjen ndryshimi i kërkuar. Puna për të sjellë ndryshim nisi nga mjediset e punës dhe studiot dhe po vijon me progranet. Tashmë stafi i gazetarëve, operatorëve, montazhierëve, bashkë me stafin mbështetës, kanë nisur të punojë me idenë dhe seriozitetin e përfaqësimit me një logo të vetme, atë të RTSH. Por, natyrisht me koloritin e vet lokal të informacionit, kronikave dhe emisioneve.

Ndryshimet në mjedisin e brendshëm nisën nga gjërat në dukje të vogla, banerat, studio e zërit, lyerja e mjedisit të brendshëm, përmirësimi i mjediseve të punës. Këto lloj ndryshimesh, në dukje “të vogla” në mjedisin e brendshëm të studiove, audienca nuk arrin t’i shohë dhe t’i prekë. Por ajo i konstaton në ekranin e RTSH Gjirokastra, kur zëri i folsave ka nisur të transmetohet më i pastër si pasojë e instalimit të pikosë së re, kur shikon banerat e reja të emisionit greqisht dhe shumë shpejt zëvendësimin edhe të emisioneve të tjera, të cilat për shkak të keqmenaxhimit qëndronin të vendosura në studio qysh në vitin 2004.

Ndryshimet në formë, synojnë ndryshime në përmbajtjen e prodhimeve televizive lokale, në programet dhe emisionet e larmishme sipas gjinive mediatike televizive për mbulimin rajonal me informacion dhe sinjal. Dhe jo vetëm. Por edhe për një ndryshim të thellë e të shpejtë në bashkëpunimin me kanalet diçitale të platformës së kanalit “mëmë”, Radio Televizionit Shqiptar. Stina turistike e verës së këtij viti të begatë turistik, ishte një dëshmi e plotë e një bashkëpunimi ndryshe mes qendrave vendore dhe kanaleve qëndrore të platformë. Dhjetra kronika të përgatitura nga stafi i RTSH Gjirokjastrës u transmetuan në kanalin e platformës qëndrore RTSH-24.

Ndryshimi ka përfshirë edhe sektorin e marketingut. Duke u pajtuar idenë e drejtorit të përgjithshëm Alfred Peza, që sipas tij “RTSH ka patur fonde dhe para, por ato janë menaxhuar keq”. Në fushën e marketingut është përdorur gjerësisht shkëmbimi “klering” i produktit mediatik me produkte teknologjike të subjekteve për të cilat kanë nevojë studio dhe programet.

Ky progres ndonse modes, për stafin e QVA Gjirokastër vlerësohet vetëm si fillimi i ndryshimit. Puna për të sjellë ndryshim e kërkuar, vazhdon me dashuri e kreativitet në të gjitha hallkat e zinxhirit për të garantuar sasi dhe cilësi më të mirë të prodhimit mediatik me synimin që përkushtimi dhe përpjekjet të kthehen në audiencë dhe sukses.

Fillimi i ndryshimit në stukturat dhe programet e televizionit publik lokal të Gjirokastrës, një nga 4 radiotelevizionet lokale satellite të RTSH deri tani të përgjumura dhe të lëna në harresë, është një shenjë positive për vetë peshën dhe rëndësinë e tyre në transmetimet me status publik. Gazetari i njohur dhe i respektuar, i ndjeri Fatos Baxhaku, kishte një vlerësim orgjinal për misionin e rëndësishëm të mediave lokale. Sipas Baxhakut, “Mediat lokale marrin periferinë dhe e çojnë në qendër, ndërkohë që marrin qendrën dhe e çojnë në periferi”.

Ky është vetëm fillimi i ndryshimit.

Sondazh

Poll

Lexo gjithashtu

Hapësire reklamuese