Kryeministri në ikje i Holandës, Mark Rutte do të jetë Sekretari i ri i Përgjithshëm i NATO-s. Këtë të mërkurë, Këshilli i Atlantikut të Veriut vendosi për emërimin e tij si pasues i Jens Stoltenberg dhe detyrat do t'i marrë prej datës 1 tetori 2024.
Mandati i Jens Stoltenberg përfundon po vjeshtën e vitit 2024, pas dhjetë vjetësh në krye të Aleancës.
Për shqiptarët që nuk e mbajnë mend, Mark Rutte është politikani i lartë europian që në vitin 2021 gjatë një samiti të rëndësishëm në Tiranë, u fotografua në tapetin e kuq të mirëseardhjes me këpucë të grisura.
Mjeshtri i fotografisë Armando Babani arriti të fiksonte këpucët e kryeministrit holandez, i cili tashmë është zgjedhur dhe Sekretar i Përgjithshëm i aleancës më të fuqishme ushtarake të botës, një foto që bëri xhiron e mediave kombëtare dhe jo vetëm.
Samiti BE-Ballkani Perëndimor u mbajt në Tiranë në vitin 2021 dhe Mark Rutte ju përgjigj pozitivisht ftesës së Edi Ramës. Ai mori shumë dhurata si kryeministër i Holandës, pasi siç u shpreh Rama, ato ishin edhe për vitet e munguara që ai nuk kishte ardhur në Shqipëri.
Sondazh
Lexo gjithashtu
