Bilioneri dhe programuesi ukrainas-amerikan Jan Koum ndodhet prej dy ditësh në Shqipëri. Dy superjahtet e tij "Moonrise" dhe "Nebula" me vlerë totale rreth 260 milionë dollarë janë bregëzuar në Portin e Durrësit të martën, më 6 gusht.
“Moonrise” është superjahti motorik rreth 100m të gjatë, një tjetër kryevepër e prestigjozit holandez Feadship, lançuar në vitin 2020. Ai ka një shpejtësi maksimale lundrimi prej 19.5 nyje.
Kapaciteti akomodues është deri në 16 persona ndërkohë që ekuipazhi i tij ka 32 anëtarë. Ky superjaht përbëhet nga një superstrukturë alumini dhe ka një tonazh bruto prej 3945.0 GT.
“Moonrise” aktualisht lundron nën flamurin e Ishujve Kajman, shtet i dytë në botë për numrin e superjahteve, me 1408 jahte të regjistruara. Po ashtu, në Portin e Durrësit është ankostuar dje dhe superjahti tjetër i bilionerit Jan Koum, "Nebula".
Jahti motorik ka dy vite që ka nisur lundrimin, ndërsa është jahti i dytë më i madh i ndërtuar nga Astilleros Armon dhe në renditjen botërore për jahtet më të mëdhenj, Nebula, renditet në numrin 339. Ai ka një rreze ka një rreze prej 15.5 m, një draft 2.75 m dhe një vëllim prej 2,136 GT.
Jahti përmban dizajn të jashtëm nga Schwalgien Yacht Design dhe dizajn të brendshëm nga Schwalgien Yacht Design. Ajo që bën Nebula me gjithë këtë hapësirë vendos një standard të ri në industrinë e superjahteve.
Autoriteti Portual Durrës mbetet i preferuar për turizëm por dhe shërbimet që ofron në çdo sektor.
"Dy superjahte janë bregëzuar në Terminalin e Mallrave Gjenerale të Portit të Durrësit, 2 prej kalatave janë përshtatur për mjetet turistike deri në kthimin e portit aktual në Marinën turistike më të madhe të Mesdheut. Shërbimet portuale vijojnë të sjellin të ardhura të konsiderueshme në buxhetin e shtetit, ndërsa përmirësimi i mëtejshëm i tyre mbetet prioritet i Autoritetit Portual Durrës", thuhet në njoftim.
Sondazh
Lexo gjithashtu
