Hapësire reklamuese

Politikë

Fatbardh Kadilli shpalos programin e tij nga selia e PD: Kryetari, udhëheqësi politik i partisë për 4 vite! Pas zgjedhjeve, o bëhet kryeministër o ikën

Shkruar nga Newsbomb
Fatbardh Kadilli shpalos programin e tij nga selia e PD: Kryetari,

Fatbardh Kadilli, kandidat për kryetar i PD në 13 qershor, është duke shpalosur nga selia e PD programin e tij për drejtimin e Partisë nëse zgjidhet ai kreu i demokratëve. Ai thotë se do të luftojë për një PD të pastër, më të madhe se kryetari.

“Kryetari është udhëheqësi politik i partisë për 4 vite. Mandati i tij mbaron kur shpallet rezultati i zgjedhjeve. Ai o bëhet kryeministër ose ikën”, tha Kadilli ndër të tjera. Ai nuk e fshehu as besimin se do ta fitojë ai garën për kreun e PD, duke thënë se është “më i miri”.

Pjesë nga fjala e Fatbardh Kadillit:

Dua t’i kërkoj ndjesë çdo anëtari të PD, pasi koha e shkurtër e bën të pamundur të takoj demokratët, të shkel në çdo degë. Data 13 është data e firores brenda PD, më pas do të vazhdojë për të larguar Edi Ramën. Jam deklaruar që në fillim për një Parti të pastër, më të madhe se Kryetari.

Kryetari është udhëheqësi politik i partisë për 4 vite. Mandati i tij mbaron kur shpallet rezultati i zgjedhjeve. Ai o bëhet kryeministër ose ikën.

Unë jam për nëj PD fituese, me kauza të reja që reflektojnë interesat e shoqrisë. Jo kauza ngushtësisht politike. Një PD që frymëzon gjithë shoqërinë. Një forcë politike që ka lidhje të pandërprerë me qytetarin.

Pasdyshim më i miri jam unë sepse e kam nisur me vizion të qartë, me konsultime të gjera. Duke ndjekur parimet e mia, që në lindje me spektrin e të djathtës. Hapi i parë ishte çelja e një gare dhe sot gara ëhstë fakt.

Platforma e Fatbardh Kadillit, e shpalosur ditën e sotme para demokratëve:

NJË PD E PASTËR, E HAPUR, E BASHKUAR, FITUESE

Për një parti më të madhe se kryetari

1-Ndarja e rolit të Kryetarit nga administratori i Partise: Kryetari e udhëheq politikisht partinë për katër vjet. Mandati i kryetarit mbaron automatikisht me shpalljen e rezultatit të zgjedhjeve. Ai ose është Kryeministër, ose largohet.

2-Administrimi i Partisë do të drejtohet nga një këshill të urtësh që do të ketë mandat 6 vjeçar. Këshilli regjistron antarësinë, strukturat dhe drejton proceset zgjedhore në parti për forumet dhe kandidatët për Bashki dhe Parlament.

3-Parimi ‘një anëtar, një votë’ për zgjedhjen e çdo kryetari, nga seksioni te Kryetari i partisë. Primaret për kandidatët për Bashki dhe Parlament, të paktën një vit përpara zgjedhjeve.

4-Struktura e partisë ndërtohet mbi bazën e garës elektorale. Çdo ZAZ do të ketë kryetar që zgjidhet me ‘një anëtar, një votë’ dhe që është deputeti i ardhshëm, ose në rast humbje, përfaqësuesi i popullit të atij territori.

Për një PD të Hapur dhe të Bashkuar

5-Struktura e partisë do të jetë elastike. Seksione, jo vetëm territoriale, por edhe mbi baza profesionesh, grupesh interesi dhe profilesh. Veç forumeve vertikale në territor, edhe forume horizontale.

6-Legjitimimi i fraksioneve: Çdo anëtar/e mund të krijojë ‘partinë’ e vet. Nuk të cakton askush kryetar. Merr iniciativën dhe krijo forumin tënd.

Për një PD më të madhe se Vetja

7- Jo më një Forum rinor i plakur, me gjuhë dhe sjellje të plakur, që shërben si dekor aktivitetesh partie dhe qëndron në paradhomën e partisë për t’u infektuar nga sëmundjet e politikës, por një forum që afron rininë, kauzat dhe shqetësimet e saj, aksionin dhe qëllimet e saj në parti. Një forum i epokës digjitale ku çdo i ri apo e re kontribuon me aksionin e vet me agjenden e vet, me idetë dhe nismën e vet.

8-Jo më një forum grash, pasionante të PD që çojne PD te Gratë. Por, një Lidhje Grash që sjellin shqetësimet, kauzat, interesat, projektet, nismat e grave në PD.

9-Një raport tërësisht i ri me median dhe aksionin qytetar. Shoqëria është shumë më pluraliste se politika. Shoqëria ka prodhuar shumë më tepër vlera se politika. Ky partneritet e bën PD më të madhe se vetja.

Për një PD fituese

10-PD do të ketë kauzat e reja që reflektojnë interesat e kësaj shoqërie plurale, dhe jo kauza ngushtësisht politike, apo vetëm me përfitim politik.

Frymezuese

PD që shnëdrrohet në lëvizje popullore, është ajo që frymëzon jo vetëm veten, jo vetëm mbështetësit por gjithë shoqërinë.

Një PD që ngrihet mbi tre kollona:

• Një forcë politike që ka lidhje të shkurtër dhe të pandërprerë me qytetarin, me shqetësimet dhe  interesin e qytetarit politik. Zgjimi i individit politik.

• Një forcë politike partnere e besushme që nuk zhgënjen. Një forcë politike që ndërton vetem mbi vlera, partneritetin me qytetarin, me shoqërinë civile, mediat, biznesin dhe partnerët strategjik që mbrojnë sigurinë dhe demokracinë në Shqipëri dhe orientimin Perëndimor.

• Një PD që riorganizohet duke garantuar hapësirë për cdo individ politik të shprehi talentin, ambicien, forcën, përfaqësimin dhe idetë politike, që garantojnë zhvillimin e kauzave politike nga cdo kush, zhvillimin e karrierës në mënyrë të papenguar nga burokracia politike.

Një PD e vërtetë

Një PD që manifeston në cdo gjë vlerat që promovon. Një PD që sillet dhe vepron në përputhje absolute me cfarë shpall. Një PD që ka të njëjtin standard si për vete ashtu dhe për kundërshtarët.

Një PD që ndahet nga cdo trashëgimi e keqe edhe e vetvetes

Detyra e PD është largimi nga pushteti i Ramës dhe i modelit të qeverisjes dhe politikës ku politika, media, biznesi dhe bota e nëndheshme janë shndërruar në një pushtet abuzues mbi qytetarin.

Ndryshoj PD që të Ndryshoj Shqipërinë

PD që une do drejtoj do luftojë për rishikimin e funksionimit të republikës sonë:

Rishikimi i ndarjes administrative sipas zërit të qytetarëve, sipas parimit të subsidiaritetit dhe sipas modeleve që u diskutuan në mënyrë të pavarur nga axhenda e pushtetit dhe i formatuar në një propozim alternativ nga shoqata e komunave;

Rishikimi i Kodit Zgjedhor për të garantuar përfaqësim dhe stabilitet qeverisës;

Plotësimi i organeve të drejtësisë për një drejtësi eficiente. Demokracia dhe Liria amerikane që është modeli im, nuk u mbrojt nga politika por u mbrojt nga gjykatat dhe sistemi i drejtësisë;

Forcimi i demokracisë direkte – referendumi mjet i vullnetit të popullit; referendumi lokal ushtrimi i demokracise dhe perfshirjes;

Rishikimi i kushtetutës, ose ribërja e saj për të rivendosur në balancë institucionet e kuvendit, qeverisë dhe presidentit.

Sondazh

Poll

Lexo gjithashtu