Hapësire reklamuese

Aktualitet

Faqja e njohur e jahteve reklamë Shqipërisë: E bukur dhe e sigurt, ja vendet që duhet të vizitoni

Shkruar nga Newsbomb
[caption id="attachment_335153" align="alignnone" width=""]Foto ilustruese[/caption]

Faqja e njohur e jahteve, evolutionyachting.co, në një shkrim të publikuar i ka bërë thirrje turistëve që t'i drejtohen Shqipërisë këtë verë për pushime, pasi është një nga vendet më të sigurta dhe më të bukura.

Në njoftimin e saj, faqja shkruan se duke filluar nga 1 qershori do të hapen kufijtë, ndërsa ka sugjeruar Sarandën, gadishullin e Karaburunit dhe gjirin e Porto Palermos si destinacionet më të bukura të Shqipërisë.

”COVID-19 duket se është nën kontroll në të gjithë Europën. BE dhe qeveritë kombëtare po punojnë se si të rihapin kufijtë e tyre dhe të fillojnë të stimulojnë turizmin e verës. Ka shumë konfuzion, por ne jemi këtu për t’ju ndihmuar të merrni vendime të informuara se ku të lundroni këtë sezon. Me zyrat tona në 9 shtete në të gjithë Mesdheun, ne do të botojmë “gazeta” javore që do t’ju japim udhëzimet më të fundit për COVID-19 të vendit ku do të shkoni”.

”Shqipëria ka pasur një shkallë shumë të ulët të infeksioneve me COVID-19 me vetëm 1 076 raste dhe 33 vdekje deri më sot.

Vendi zbatoi masa të rrepta bllokimi që mbeten në fuqi deri në fund të kësaj jave. Aktualisht, jahteve u lejohet të hyjnë në Shqipëri me miratim paraprak.

Kryeministri Edi Rama njoftoi se që nga 1 qershori, vendi do të hapë kufijtë për biznesin dhe turizmin, që do të thotë se jeta është në rrugën e duhur për t’u rikthyer në normalitet. Restorantet dhe baret tashmë kanë hapur tarracat e tyre në natyrë, dhe plazhet e hoteleve do të jenë të gatshme për t’iu pritur që nga 1 qershori dhe me hapjen për publikun që nga data 10 e po këtij muaji", shkruan evolutionyachting.co.

Ku të shkoni?

Sarandë

”Saranda është natyrisht me interes parësor. Mund të siguroni naftë dhe lubrifikante pa taksa si për jahte komerciale ashtu edhe për ato dhe private.

Gadishulli i Karaburunit

Gadishulli i Karaburunit ka shumë për t’u ofruar jahteve. Plazhet e vogla si ai i Arushës, i Gramës dhe i Dafinës dallohen për ujërat e kristalta dhe shpellat, veçanërisht “Shpella e skllevërve”. Në anën veriore, Shpella e Haxhi Aliut është shpella më e madhe në det me një thellësi 18 metra dhe lartësi prej 30 metrash që lejon vizitat me anije. Ana perëndimore e Karaburun është një nga pikat më tërheqëse në bregdetin shqiptar për dashamirët e zhytjes.

Gjiri i Porto Palermos

Gjiri i Porto Palermos është një nga gjiret më të bukura të bregdetit jonian, që ndodhet në veri të fshatit Qeparo. Kalaja e Ali Pashait mbi istëm, thuhet se është ndërtuar nga Ali Pasha për nder të bashkëshortes së tij, Vasiliqisë në shekullin XVIII. Ky monument i shquar mund të shihet nga të gjitha këndvështrimet, por më së miri mund të shihet nga kuverta e pasme e jahtit, në një mëngjes të qetë. Këtë zonë mund ta ndash vetëm me peshkatarët e çuditshëm vendas dhe me gjithë çka ata kanë peshkuar gjatë ditës", përfundon faqja e njohur ndërkombëtare turistike, e specializuar sidomos për jahtet, evolutionyachting.co.

Sondazh

Poll

Lexo gjithashtu