Eduart Zito 35-vjeç, i akuzuar për falsifikim të materialeve zgjedhore nw zgjedhjet e 25 prillit, është arrestuar këtë të mërkurë në tentativë për t’u larguar nga Shqipëria.
Ky shtetas në bashkwpunim me 7 të tjerë akuzohen se tjetërsuan votat në procesin e zgjedhjeve të 25 prillit.
Më herët 35 vjeçari ishte shpallur në kërkim, ndërsa ditën e sotme u bë e mundur kapja e tij në pikën kufitare Qafë Thanë.
Njoftimi i policisë:
Specialistët për Hetimin e Krimit Ekonomik dhe Financiar në DVP Elbasan bënë ekzekutimin e masës së sigurisë “Arrest në burg”, për veprën penale “Falsifikimi i materialeve zgjedhore dhe i rezultatit të zgjedhjeve”, për shtetasin:
E. Z., 35 vjeç, banues në Rrajcë, Librazhd.
Nga veprimet hetimore dyshohet se ky shtetas, në bashkëpunim me 7 shtetas të tjerë (të ndaluar më parë) që kanë patur si detyrë numërimin e votave gjatë procesit zgjedhor të datës 25.04.2021, ka shënuar në tabelat e rezultatit, të dhëna të ndryshme nga ato të fletëve të votimit, me qëllim favorizimin e kandidatëve të subjekteve zgjedhore.