Organizata prestigjoze “Europa Nostra”, ka dalë kundër shembjes së Teatrit Kombëtar në Tiranë, duke e rendituar atë në listën e 7 monumenteve më të rrezikuara që duhen mbrojtur në Europë, ku thekson se godina duhet mbrojtur me ligj kombëtar nga shoqëria.
Lidhur me këtë deklaratë të saj ka reaguar kreu demokrat Lulzim Basha i cili ndërsa ka shpërndarë postimin e “Europa Nostra” thotë “se afera me Teatrin Kombëtar është vjedhja më e dhunshme që u bëhet shqiptarëve nga Rama”.
“Afera me TK është vjedhja më e dhunshme që u bëhet shqiptarëve nga Rama. Grabitja e TK në mes të pandemisë është akt lufte ndaj shoqërisë dhe ekonomisë që po rrënohen nga RAMAVIRUSI: varfëri masive, krizë e thellë, papunësi e lartë, institucione të kapura dhe korrupsion rekord”, shkruan Basha në “Twitter”.