Hapësire reklamuese

Aktualitet

Estonia uron me gabime, Turqia shkruan turqisht, Azerbajxhani zgjedh pallatet e Tiranës e Polonia zgjedh Beratin, ja disa urime pikante të Pavarësisë (FOTOT)

Shkruar nga Newsbomb

Bota mbarë po uron shqiptarët sot për ditën e Pavarësisë. Që herët në mëngjes, ministritë e jashtme të vendeve të ndryshme kanë publikuar në TWitter posterat për festën e 28 Nëntorit, ditës së Flamurit të shqiptarëve. Në disa prej tyre ka edhe kuriozitete.

Polonia dhe Lituania, veç flamurit, kanë zgjedhur qytetin e Beratit ta vendosin si imazh në posterat e tyre të urimit të ditës së festës.

[gallery ids="648730,648729,648728"]

Izraeli, nëpërmjet posterit të Ministrisë së Jashtme Izraelite, ka zgjedhur të urojë në gjuhën shqipe. Të njëjtën gjë ka tentuar edhe Estonia, por urimin në shqip e ka shkruar plot gabime dhe nuk e ka korrigjuar.

Turqia, vendi prej të cilit Shqipëria u bë më vete, ka zgjedhur të urojë në gjuhën turke dhe me flamurin shqiptar. Serbia ka zgjedhur të urojë me flamurin dhe një foto të Tiranës.

[gallery ids="648731,648732,648733"]

Azerbajxhani ka gjetur një foto të Tiranës me pallatet në ndërtim, madje shquhet dhe një vinc në ditën e Pavarësisë së Shqiptarëve. Armenia e Mali i Zi kanë zgjedhur flamurin dhe Kalin e Skënderbeut në fotot që kanë përzgjedhur për të dhënë mesazhin e tyre. Rumania e Maqedonia kanë zgjedhur të urojnë me Flamur.

[gallery ids="648735,648736,648737"]

India ka zgjedhur dy postera, njërin me ministren e jashtme Olta Xhaçka dhe një të thjeshtë me një flamur që valëvitet.

Letonia ka uruar me flamur, dhe në mesazh kujton misionet e përbashkëta dhe mbështetjen e Shqipërisë për të qenë ky vend anëtar i NATO.

[gallery ids="648740,648741,648742"]

Sondazh

Poll

Lexo gjithashtu

Hapësire reklamuese