Në kulmin e debatit nën ‘zë’ brenda mazhorancës për ata që konsiderohen ‘rilindas” e për ata që quhen socialist, ka folur edhe kryebashkiaku i Tiranës Erion Veliaj.
Por këtë radhë, jo për punët publike, por pasi ka votuar në qendrën e tij për të zgjedhur delegatët për kongresin e radhës së Partisë Socialiste. Dhe Veliaj ka thënë se do të fitojë gjithmonë, sepse promovon më të mirët, dhe garon me veten.
Deklarata e promovimit të më të mirëve bëhet në një kohë që dy kryetarë bashkish të vendosur nga PS në zgjedhjet ku garoi e vetme në 30 qershor, i kapi ligji i dekriminalizimit, ku njëri dha dorëheqjen dhe tjetri është në kërkim, raporton newsbomb.al.
Shkruan Erion Veliaj:
‘PS është një organizëm aktiv, që rigjenerohet, që lejon garën brenda vetes dhe që promovon më të mirët. Arsyeja pse PS fiton non-stop në këtë qytet, por edhe në të gjithë Shqipërinë, është se stërvitet dhe garon me veten’.