Presidenti turk Recep Tayiip Erdogan ka uruar ka uruar Kosovën për 14 vjetorin e shpalljes së pavarësisë. Përmes një postimi në Twitter, Erdogan shkruan se Turqia me Kosovën kanë miqësi historike dhe lidhje vëllazërore.
“Uroj përvjetorin e pavarësisë së Kosovës, me të cilën kemi miqësi historike dhe lidhje vëllazërore. I uroj paqe, prosperitet dhe mirëqenie popullit vëllazëror të Kosovës dhe u dërgoj përshëndetjet e përgëzimet e mia”, ka shkruar presidenti turk.
Kujtojmë se shpallja e Pavarësisë së Kosovës është bërë më 17 Shkurt të vitit 2008.Në Kuvendin e Republikës së Kosovës në Prishtinë, në një mbledhje të jashtëzakonshme ku merrnin pjesë 109 nga gjithsej 120 deputetë, Kuvendi i Kosovës njëzëri shpalli Kosovën shtet të pavarur, sovran dhe demokratik.