Presidenti i Turqisë, Rexhep Taip Erdogan thotë se kërkimet për gaz natyror në Detin e Zi kanë rezultuar të suksesshme.
Erdogan njoftoi sot se nga shpimi i anijes “Fatih”, është zbuluar një rezervë me plot 58 miliardë metër kub gaz natyror në një thellësi prej 3,023 metrash.
Gjatë një deklarate për media, Erdogan ka shpalosur edhe masat e reja që do të ndërmerren për të eleminuar kërcënimet terroriste që vijnë nga kufiri me Sirinë.
Ai tha se për këtë, do të ndërtohet një kordon sigurie 30 kilometra i gjatë përgjatë vijës kufitare.
“Turqia do të hyjë në një fazë të re në luftën kundër terrorizmit duke synuar të shkatërrojë të gjithë rrënjën e grupit terrorist, si dhe burimet dhe mbështetjen e saj, kapacitetin e armatosur”, tha Erdogan.