Enkelejd Alibeaj nuk është më kryetar i Grupit Parlamentar të PD. Kështu kanë vendosur delegatët në Kuvendin Kombëtar të kësaj force politike që po mbahet prej paradites së sotme në ambientet e Pallatit të Kongreseve.
“Në mbështetje të statutit të Partisë Demokratike, për organizimin dhe funksionimin e grupit parlamentar të PD, me propozim të Rithemelimit, Kuvendi vendosi të konstatojë vakancën e kryetarit të grupit parlamentar të PD. Ngarkohet këshilli kombëtar për zgjedhjen”, tha Këlliçi.
Më parë, delegatët vendosën me shumicë votash dhe datën 22 maj si datë për zhvillimin e zgjedhjeve për kryetarin e Partisë Demokratike. “Përcaktimi i datës 22 maj si dita kur do zhvillohen zgjedhjet për kryetarin e PD, ky vendim hyn në fuqi menjëherë”, tha Këlliçi.