Tirana
clear sky
9.5 ° C
9.5 °
9.5 °
27 %
6.7kmh
0 %
Mar
10 °
Mër
10 °
Enj
10 °
Pre
8 °
Sht
3 °
E martë, 18 Janar, 2022
spot_img

EMRAT/ E përdornin lokalin për vendosjen e basteve sportive, arrestohen dy persona në Gjirokastër

spot_img
spot_img
spot_img

Lajme të ngjashëm

Dy persona janë arrestuar në Gjirokastër, pasi e përdornin lokalin në lagjen “18 Shtatori” si një qendër e vendosjes së basteve sportive.

Bëhet me dije se në pranga kanë rënë Romeo Corro, 36 vjeç, banues në Gjirokastër, (administrator i një subjekti bar-kafe) dhe Dërgim Hisa, 37 vjeç, banues në fshatin Plesat, Gjirokastër (klient i subjektit).

Njoftimi i Policisë:

Vijojnë kontrollet për parandalimin dhe goditjen e veprimtarisë së kundërligjshme të lojërave të fatit.

Goditet një tjetër rast i kësaj veprimtarie.

Vihen në pranga 2 shtetas.

Sekuestrohen dy aparate celulare dhe një sasi parash.

Në vijim të punës për evidentimin dhe goditjen e veprimtarisë kriminale të ushtrimit të paligjshëm të lojërave të fatit, specialistët e Seksionit për Hetimin e Krimit në Komisariatin e Policisë Gjirokastër arrestuan në flagrancë shtetasit R. C., 36 vjeç, banues në Gjirokastër (administrator i një subjekti bar-kafe) dhe D. H., 37 vjeç, banues në fshatin Plesat, Gjirokastër (klient i subjektit).

Këta shtetas u arrestuan pasi, bazuar në informacionet e siguruara në rrugë policore, u ushtrua kontroll në ambientet e një subjekti bar-kafe në pronësi të shtetasit R. C., në lagjen “18-Shtatori”,  ku u konstatua se ushtrohej veprimtaria e lojërave të fatit në kundërshtim me ligjin, duke fshehur të ardhurat.

Në cilësinë e provës materiale u sekuestruan dy aparate celulare dhe një sasi parash.

Materialet i kaluan Prokurorisë së Rrethit Gjyqësor Gjirokastër, për veprat penale “Organizimi i lotarive të palejuara”, “Vënia në dispozicion e lokaleve për lojëra të palejuara” dhe “Fshehja e të ardhurave”.

spot_imgspot_img

Më shumë

spot_imgspot_img
spot_img
spot_img
spot_img
spot_img