Tirana
clear sky
9.5 ° C
9.5 °
9.5 °
57 %
1.5kmh
0 %
Hën
12 °
Mar
12 °
Mër
14 °
Enj
14 °
Pre
14 °
E hënë, 28 Nëntor, 2022

EMRAT/ Po transportonin emigrantë të paligjshëm kundrejt parave, prangosen dy të rinjtë në Gjirokastër

spot_img

Lajme të ngjashëm

Policia e Gjirokastrës ka arrestuar dy persona, pasi u kapën duke transportuar emigrantë të paligjshëm në afërsi të Tepelenës.

Mësohet se në pranga kanë rënë shtetasit: Adriatik Miziri 24 vjeç, banues në Tiranë dhe Marjo Nuraj., 22 vjeç, banues në Fier. Dy të rinjtë u kapën duke transportuar me dy autotomjete 7 emigrantë të paligjshëm, kundrejt fitimit.

Njoftimi i Policisë:

DVP Gjirokastër.

Finalizohet me sukses operacioni policor i koduar “MOONLIGHT”.

Operacioni nga Seksioni për Hetimin e Narkotikëve dhe Trafiqeve të Paligjshme, në bashkëpunim me Seksionin Operacional dhe Komisariatin e Policisë Tepelenë.

Goditet një tjetër rast i veprimtarisë kriminale të dhënies ndihmë shtetasve të huaj për kalim të paligjshëm të kufirit, kundrejt fitimit.

Transportonin 7 emigrantë të paligjshëm, vihen në pranga dy shtetas.

Sekuestrohen dy automjete, dy aparate celularë dhe një sasi parash.

Specialistët e Seksionit për Hetimin e Trafiqeve të Paligjshme, në bashkëpunim me Seksionin Operacional dhe Komisariatin e Policisë Tepelenë, në vijim të punës për goditjen e aktivitetit kriminal të dhënies ndihmë të shtetasve të huaj për kalim të paligjshëm të kufirit, kundrejt fitimit, në bazë të informacioneve policore, kanë goditur një tjetër rast, si rezultat i të cilit u bë arrestimi në flagrancë i shtetasve A. M., 24 vjeç, banues në Tiranë dhe M. N., 22 vjeç, banues në Fier.

Arrestimi i shtetasve të mësipërm u bë pasi janë kapur në flagrancë në afërsi të qytetit të Tepelenës duke transportuar me dy autotomjete 7 emigrantë të paligjshëm nga vendet MENA, kundrejt fitimit.

Në cilësinë e provës materiale u sekuestruan dy automjetet, dy aparat celularë, 700 euro dhe 8.000 lekë.

Materialet në ngarkim të shtetasve të mësipërm i kaluan Prokurorisë pranë Gjykatës së Shkallës së Parë Gjirokastër, për veprën penale “Dhënia ndihmë për kalim të paligjshëm të kufirit”.

Më shumë




spot_img








spot_img