Modelja Emina Cunmulaj është bërë nënë për herë të tretë, pasi ditën e sotme ka sjellë në jetë djalin e saj, të cilin e kanë pagëzuar me emrin Shá Yosef Nazarian.
Lajmin e ka bërë me dije vetë modelja përmes një postimi në rrjetet sociale, ku ka ndarë një foto me të voglin e porsalindur në krah.
Djali erdhi si një bekim në jetën e çiftit, pasi ata janë prindër edhe të dy vajzave.
“Djali im është këtu
Shá Yosef Nazarian
Zemra ime është e mbushur burri im i vogël, ti tashmë më ke mësuar kaq shumë gjëra dhe ishe pacienti numër një. Më mësove që në jetë asgjë nuk vjen kur e dëshiron, por më shumë kur është e destinuar të vijë në rrugën tuaj.
Faleminderit për këtë mësim dhe për shumë të tjerë që do të vijnë”, ka shkruar Emina krahas fotos që ka postuar në Instagram.