Interpol Tirana ka ekstraduar nga Athina një shtetas shqiptar të dënuar për “Mashtrim”.
Nga Specialistët e Interpol Tirana u krye ekstradimi nga Athina/Greqi, drejt vendit tonë, i shtetasit shqiptar, Gazmend Basha, 42 vjeç, lindur në Elbasan.
Basha, ishte i shpallur në kërkim ndërkombëtar mbi bazën e vendimit nr.28, datë 19.01.2009 të Gjykatës së Rrethit Gjyqësor Elbasan, në bazë të së cilit shtetasi i lartpërmendur është dënuar me 5 vjet dhe 4 muaj në burg, për kryerjen e veprës penale të “Mashtrimit“.
Si rezultat i bashkëpunimit të Interpol Tirana me Interpol Athinën/Greqi, u bë i mundur arrestimi provizor i tij në Greqi, me qëllim ekstradimi drejt vendit tonë.