Liqeni i Kripur i Madh në Utah, një shtet në rajonin malor perëndimor të SHBA-ve, po përballet me "rrezik të paprecedentë", pasi ka rënë në një nivel të jashtëzakonshëm për shkak të thatësirës dhe ndryshimeve klimatike.
Pa një “rritje dramatike” të prurjeve deri në vitin 2024, ekspertët paralajmërojnë se liqeni do të zhduket në pesë vitet e ardhshme. Ata u kanë bërë thirrje ligjvënësve që të marrin masa urgjente për të shpëtuar Liqenin e Kripur para se të thahet plotësisht.
“Zhdukja e tij mund të shkaktojë dëme të mëdha në shëndetin publik, mjedisin dhe ekonominë e Utah-s. Zgjedhjet që bëjmë gjatë muajve të ardhshëm do të ndikojnë në gjendjen dhe ekosistemet tona në të gjithë Perëndimin për dekadat e ardhshme.”, thanë ekspertët.
Liqeni i Kripur i Madh, i rrënuar nga përdorimi i tepërt i ujit dhe një krizë klimatike në përkeqësim, ka rënë në nivele të ulëta rekord dy vite radhazi. Liqeni tani është 19 këmbë nën nivelin e tij mesatar natyror dhe ka hyrë në "territor të paeksploruar", pasi ka humbur 73% të ujit dhe ka ekspozuar 60% të shtratit të liqenit, thotë raporti.
Sondazh
Lexo gjithashtu
