Presidenti Ilir Meta ka bërë një deklaratë të bujshme ditën e sotme, ku është shprehur se pas protestës së 2 marsit, kryeminsitrin Rama e ka shpëtuar opozita nga shpërndarja e parlamentit.
Sipas tij, opozita kishte kërkuar që Meta të priste deri në mbarimin e punës në Këshillin Politik, por Rama provokoi opozitën me shembjen e Teatrit Kombëtar.
“Në 2 mars Edi Ramën e shpëtoi opozita, se thoshte të mbarojë Këshilli Politik. Edhe unë prandaj e lashë, por ai e provokoi opozitën me shembjen e Teatrit Kombëtar”, tha Meta në Syri Tv.
Presidenti shprehet se Rama është i frikësuar pas mesazhit të Metës, “kush prek zgjedhjet do të përballet me pasoja të paimagjinueshme”.
“O ka Shqipëri me shqiptarë, ose banori më i ri ngelet Ilir Meta. Kjo është çështje jetë a vdekje. Ilir Meta nuk ikën nga këtu. Ai është i frikësuar nga mesazhi që ka dhënë Ilir Meta: “Kush prek zgjedhjet, do të përballet me pasoja të paimagjinueshme”, u shpreh presidenti.
Për sa i përket koalicionit me Ramën në vitin 2013, Meta tha se i ka kërkuar kryeministrit të votojë 3 kushtet e BE-së, në mënyrë që të krijonin qeverinë.