Kryeministri Edi Rama, në një lidhje direkte me televizionin italian Telenord ka komentuar vendimin e qeverisë së tij për të pranuar 20 emigrantë nga Eritrea si dhe ka folur për tragjedinë e Xhenovës.
“Shqipëria humbi dy djem të mirë që jetonin e punonin në Xhenova. Për fat të keq ata nuk shpëtuan. Në këto rrethana, flitet shumë për fajin, por në fund bëhet fjalë për nyje që bëhen komb. Nuk e besojmë kurrë se këto gjëra mund të ndodhin, por në fund përballemi me realitetin”, u shpreh Rama.
I pyetur në lidhje me vendimin për të marrë 20 emigrantët afrikanë, nga 170 që mbërritën në Itali me anije, Rama tha se “Ne ishim eritreas të së kaluarës. Italia ishte toka jonë e premtuar dhe italianët nuk na lanë kurrë në mes të detit”.