Në festën e 25 vjetorit të themelimit të Partisë Socialiste, kryeministri Edi Rama ka folur edhe për ata deputetë të pakënaqur që kanë nisur ose do të largohen së shpejti.
Duke i quajtur “të pakënaqurit”, dukshëm Rama i referohej deputetit të sapolarguar Vladimir Kostës, apo Ben Blushit dhe Mimoza Hafizit që pritet të zyrtarizojnë së shpejti largimin nga partia më e madhe në Shqipëri.
“U them atyre të pakënaqurve që në PS ka vend për të gjithë, por secili duhet ta meritojë dhe jo ta harrojë vendin që ka”, u shpreh kryetari i kësaj partie.
Rama theksoi se PS-ja e ka ndihmuar të njoh më mirë Shqipërinë, ndërsa shprehu bindjen se kjo parti është e vetmja forcë ndryshimi në vend.