Kryeministri Edi Rama ka njoftuar vetë nga Kryeministria projektligjin për rritjen e pagave. Ai ka dalë vetë krah ministres së Financave dhe është shprehur se Këshilli i Ministrave ka dhënë dakordësinë dhe ka sanksionuar e zeza mbi të bardhë se në harkun e një viti paga mesatare do shkojë në 900 euro. "Nuk ka kënaqësi më të madhe për mua sesa t'ju them specialistëve më të ulët që punojnë në administratën qendrore, se paga e tyre do të shkojë nga 49,000 lek në 81,000 lekë. Apo t'ju them mësuesve në arsimin e mesëm së paga e tyre do shkojë mbi 1 milion lek, pra mbi 100 mijë lekë. Apo në arsimin bazë nga 74 mijë deri në 95 mijë, pastaj vjetërsitë e punës, kohëzgjatja, kualifikimet. Është koha t'ju bëjmë një rritje të konsiderueshme pedagogëve, me 20%, duke ju dhënë diskrecion që ata të mund të shkojnë në 30% sepse janë autonom në administrimin e buxheteve të tyre. Po kështu, është kënaqësi që t'ju them infermierëve që do kapin një bazë prej 87 mijë lekësh. Kemi rritur ndjeshëm pagat për Forcat e Armatosura, do vazhdojmë t'i rrisim. Kemi rritur pagat për gjithë sistemin e sigurisë, do vazhdojmë t'i rrisim. Kemi rritur pagat për zjarrfikësit, dhe siç e pata premtuar, pagën e zjarrfikësve do ta çojmë deri në 80 mijë lekë", u shpreh Edi Rama. Më tej, kryeministri sqaroi se kjo rritje do bëhet me dy hapa. Një hap i parë i menjëhershëm do jetë tani me mësuesit, me sigurinë dhe me mjekët e infermierët. Ky hap i parë për gjithë të tjerët do jetë pasi Parlamenti të kalojë projektligjin që ne sot miratuam. Pastaj hapi i dytë do jetë prillin e ardhshëm.

Pjesë nga fjala e kryeministrit Edi Rama, nga Kryeministria:

Është një nga ditët më të shënuara të qeverisë time. Sapo kemi dakordësuar projektligjin për reformën e re të pagave dhe kemi sanksionuar e zeza mbi të bardhë se në harkun e një viti në Shqipëri, do të shkojë 563 euro që është sot, në 900 euro. Ky është rezultat i të gjitha përpjekjeve, reformave, punëve të bëra, për të ardhur ditën që ta krijojmë këtë mundësi për shtëpinë tonë të përbashkët. Është shumë e rëndësishme për ne që të konstatojmë sot se sa e qëndrueshme është ekonomia jonë dhe realisht kemi hyrë në një fazë të re të zhvillimit të saj, pavarësisht goditjeve të jashtëzakonshme që Shqipëria ka marrë në vazhdën e disa sfidave rresht. Nuk ka kënaqësi më të madhe për mua sesa t'ju them specialistëve më të ulët që punojnë në administratën qendrore, se paga e tyre do të shkojë nga 49,000 lek në 81,000 lekë. Apo t'ju them mësuesve në arsimin e mesëm së paga e tyre do shkojë mbi 1 milion lek, pra mbi 100 mijë lekë. Apo në arsimin bazë nga 74 mijë deri në 95 mijë, pastaj vjetërsitë e punës, kohëzgjatja, kualifikimet. Është koha t'ju bëjmë një rritje të konsiderueshme pedagogëve, me 20%, duke ju dhënë diskrecion që ata të mund të shkojnë në 30% sepse janë autonom në administrimin e buxheteve të tyre. Po kështu, është kënaqësi që t'ju them infermierëve që do kapin një bazë prej 87 mijë lekësh. Kemi rritur ndjeshëm pagat për Forcat e Armatosura, do vazhdojmë t'i rrisim. Kemi rritur pagat për gjithë sistemin e sigurisë, do vazhdojmë t'i rrisim. Kemi rritur pagat për zjarrfikësit, dhe siç e pata premtuar, pagën e zjarrfikësve do ta çojmë deri në 80 mijë lekë. E gjitha kjo do bëhet me dy hapa. Një hap i parë i menjëhershëm do jetë tani me mësuesit, me sigurinë dhe me mjekët e infermierët. Ky hap i parë për gjithë të tjerët do jetë pasi Parlamenti të kalojë projektligjin që ne sot miratuam. Pastaj hapi i dytë do jetë prillin e ardhshëm, që do bëjmë të gjithë plotësimin e kuadrit të kësaj reforme pagash në Shqipëri dhe do të mbërrimë kryelartë 900 euro pagë mesatare.