Kryeministri i vendit Edi Rama dhe disa anëtarë të kabinetit të tij udhëtojnë drejt Dubait. Ata do të marrin pjesë në panairin "EXPO Dubai 2020", ku marrin pjesë liderë dhe investitorë të fuqishëm nga e gjithë bota, me qëllim krijimin e lidhjeve të reja në biznes.
Sipas raportimeve jo zyrtare, bëhet me dije se kryeministri i Shqipërisë dhe ministrat kanë udhëtuar drejt Dubait ditën e djeshme, ndërsa sot në orën 16.30 Edi Rama do të mbajë një fjalim që do të transmetohet në faqen e tij zyrtare.
Panairi botëror që mbahet në Dubai, Emiratet e Bashkuara Arabe, përgjatë periudhës 1 Tetor 2021 deri në 31 Mars 2022, do mirëpresë 190 shtete pjesëmarrëse, si edhe miliona vizitorë nga e gjithë bota.