Liljana Gjonaj, nëna e Mariglen Gjonajt, ka kërkuar që Kristian Cenaj, i dyshuar për vrasjen e djalit të saj, të dënohet maksimalisht dhe të tregojë edhe se kush janë vrasësit e tjerë.
Ndërkohë Gjykata ka dhënë sot masën e arrestit me burg për Kristjan Cenajn, që 7 vite më parë vrau 16-vjeçarin Mariglen Gjonaj. Ngjarja ndodhi pasi autori i vodhi të miturit një orë “Rolex” dhe varësen e floririt.
“Pavarësisht dhimbje s’u ndjeva pak e lehtësuar dhe shpresoj që ky monstër ky kriminel të marrë dënimin e merituar dhe të zbardhet çdo gëj që ka bërë. Të tregojë kush janë vrasësit dhe kush janë ato monstra që e paguan që t’i merrnin jetën një minioreni.
Unë e kam akuzuar Kristianin edhe fjalë i kemi dërguar në shtëpi Kristianit ai të hapë gojën. Shteti të reflektojë. Atë e di shteti dhe Kristiani. Shteti të vazhdojë me hetimet. Ai preu në besë dritën e syve të mi, u shit nga Kristian Cenaj. I bëj thirrje Kristianit dhe të atit të tij dhe shtetit që të nxjerri të drejtën. Ka qenë fajtor që ditën që ka bërë vrasjen e djalit tim.
Djali kishte një orë dore dhe i thashë ku e morë. Më tha ja kam marrë shokut, tha do të vij në orën 9 këtu. Por nuk erdhi. Për orën se dija se çfarë vlere ka. Fëmijët i kam rritur me gjak e sakrifica i kam rritur e vetme. Bizhuteritë ishin të një shoku të vëllait. Unë se dija se çfarë çmimi kishin bizhuteritë. Deri sa të marrë hakun dhe dënimin maksimal. Ai meriton varjen dhe të varet në mes të Mamurrasit dhe të jetë shembull për të gjithë që vrasin bijtë e nënave. Fëmija ime ka parë tmerr me sy, më ka hequr dritë e syve”, u shpreh Liljana në Report Tv.
Sondazh
Lexo gjithashtu
