Një familje hebreje me shtatë anëtarë ka lënë Afganistanin dhe është duke u strehuar në vendin tonë.
Ata janë komuniteti i vetëm hebre i Afganistanit. Toba Moradi, e lindur dhe rritur në Afganistan thotë se dëshiron të shkojë në Kanada, aty ku tashmë jetojnë katër fëmijë të saj.
Familja u shpëtua nga organizata humanitare IsraAid, me përkrahjen e kryeministrit izraelit.
Vëllezërit dhe motrat e Toba Moradi jetojnë në Izrael, dhe gjithashtu prindërit e saj janë varrosur aty, por ajo nuk kontaktoi me ta që kur u larguan nga Afganistani në vitet 1960.
“E lashë vendin tim Afganistanin, që e dua shumë. U desh ta lija sepse jeta e fëmijëve të mi ishte në rrezik. Jam e lumtur që do të shoh fëmijët e mi, ata janë në vende të ndryshme të botës.
Ajo është kushërirë e Zabulon Somantov, i cili u largua nga Afganistani në fillim të muajit. Ai thoshte se ishte i vetmi hebre në Afganistan, dhe i fundit i një komuniteti qindravjeçar.