Ish-kryetari i Bashkisë së Pukës, Beqir Arifaj humbet betejën me koronavirusin.
Prej disa ditësh Arifaj po kurohej në Turqi, pasi gjendja e tij shëndetësore ishte përkeqësuar.
Ai ishte një personalitet aktiv i jetës politike sociale dhe ekonomike të zonës së Iballës dhe Pukës. Prej vitit 2011-2015 ai shërbeu si kryetar i Bashkisë së Pukës nën siglën e Partisë Demokratike.
Miq të shumtë dhe të afërm të tij kanë shprehur ngushëllimet për humbjen e madhe. Arifaj la pas gruan dhe dy djemtë.