Të paktën 24 nxënës dhe mësues humbën jetën si pasojë e një zjarri të rënë në një shkollë.
Ngjarja ka ndodhur në kryeqytetin e Malajzisë Kuala Lampur. Mësohet se zjarri ka rënë në orët e para të mëngjesit të sotëm, raporton BBC.
Autoritetet bëjnë me dije se viktimat nuk arritën të dilnin në momentin që ra zjarri pasi dritaret ishin të pajisura me grila hekuri. Policia njoftoi se viktimat ishin 22 nxënës të moshës 13-17 vjeç dhe dy mësues.
