Një ngjarje e rëndë ka ndodhur në Nashville,Tenesi, SHBA. Një person i armatosur ka hyrë në një shkollë dhe ka qëllluar me armë zjarri, duke lënë të vdekur të paktën tre fëmijë dhe disa të plagosur.
Policia ka mbërritur menjëherë në vendngjarje dhe ka neutralizuar autorin, i cili raportohet se ka vdekur.
Fëmijët e plagosur janë dërguar menjëherë në spital për të marrë ndihmën e parë mjekësore. Ngjarja ka ndodhur në një shkollë private të krishterë për nxënësit parashkollorë deri në klasë të gjashtë.
Në një deklaratë, Komiteti Demokratik i Dhomës së Tenesit tha se anëtarët e tij “po luten për fëmijët që u qëlluan në shkollën Covenant”.