Një ngjarje e rëndë ka ndodhur pasditen e sotme në Vlorë, ku vëllai ka plagosur me çifte motrën e tij.
Mësohet se 66 vjeçarja e plagosur Bukuroshe Hoxhaj është nisur me urgjencë drejt spitalit, ndërkohë që vëllai i saj Seit Danaj, rreth 60 vjeç që dyshohet se ka qenë nën efektin e alkoolit, është shpallur në kërkim
“Sot, rreth orës 16:25, në fshatin Bishan, Vlorë, dyshohet se gjatë një konflikti të çastit për motive të dobëta, shtetasi S. D., rreth 60 vjeç, ka plagosur me armë gjahu çifte, motrën e tij, shtetasen B. H., rreth 66 vjeçe, e cila është dërguar në spital dhe ndodhet nën kujdesin e mjekëve, jashtë rrezikut për jetën.
Shërbimet e Policisë janë vënë në ndjekje të autorit.
Nga veprimet e para hetimore dyshohet se autori gjatë konfliktit ka qenë nën efektin e alkoolit.
Grupi hetimor ndodhet në vendngjarje dhe po punon për zbardhjen e rrethanave të ngjarjes”, njofton policia.
Sondazh
Lexo gjithashtu
