Alfred Kaca është gjetur mbrëmjen e sotme i mbytur në lumin Shkumbin.
Sipas informacioneve paraprake, bëhet me dije se 23-vjeçari, banues në fshatin Spathar, Librazhd ishte larguar nga shtëpia 4 ditë më parë.
Nga deklarimet e familjarëve dyshohet se i riu vuante nga sëmundja e epilepsisë.
Librazhd/ Informacion paraprak:
Më datë 27.08.2021, rreth orës 19:00, në fshatin Hotolisht, Librazhd, në lumin Shkumbin është gjetur i mbytur pa shenja dhune shtetasi A.K., 23 vjeç, banues në fshatin Spathar, Librazhd i cili është larguar nga banesa më datë 23.08.2021.
Nga deklarimet e familjarve dyshohet se ky shtetas vuante nga sëmundja e epilepsisë.
Grupi hetimor po punon për dokumentimin e plotë të rrethanave të ngjarjes.