Një person është gjetur i pajetë pranë fushave bujqësore në afërsi të burgut të Fierit pasditen e sotme.
Ende nuk dihet identiteti i viktimës, teksa dyshohet se ka ndërruar jetë pasi është vetë helmuar ndërkohë që trupi i tij është nisur drejt morgut, ku do t’i nënshtrohet ekspertizës mjeko-ligjore.
"Sot rreth orës 18:40, në fshatin Sheqishte është gjetur nga familjarët pa shenja jete në tokat e tij, shtetasi N. G., 45 vjeç.
Nga hetimet paraprake dyshohet se ky shtetas është vetëhelmuar dhe nga këqyrja paraprake e trupit të 45-vjeçarit, nuk janë konstatuar shenja dhune.
Në vendngjarje ndodhet grupi hetimor dhe po punon për zbardhjen e shkakut të vdekjes", njofton policia.