Gjendet një trup i pajetë në një kanal në Sulaj të Fierit.
Trupi i pajetë i gjetur në vendin e quajtur Kthesa e Hamilit i përket 23-vjeçarit me iniciale F.S., banues në Sulaj.
Nga informacionet paraprake, raportohet se po ashtu shumë pranë trupit është konstatuar edhe një makinë e braktisur.
Makina tip “Renault” me targa AA641EN ishte me gomë të hequr dhe kofano të hapur.
Dyshohet se i riu është nxjerrë nga makina me forcë dhe gjatë një konflikti është goditur me thikë.
Ndërkohë policia ka hapur hetimet për zbardhjen e plotë të ngjarjes dhe deri më tani ka shoqëruar disa persona.
“Sot rreth orës 07:00, në vendin e quajtur “Kthesa e Hamilit” është gjetur pa shënja jete shtetasi F.S, 23 vjeç. Nga veprimet e para hetimore dyshohet se 23-vjeçari ka ndërruar jetë si pasojë e plagës së marë nga goditja me një mjet të mprehtë(thikë), dyshohet gjatë një konflikti”, thuhet në njoftimin e policisë.