Hapësire reklamuese

Aktualitet

Burri denoncon zhdukjen e gruas në Malësinë e Madhe, policia gjen telefonin dhe fletoren e saj afër një shpelle

Shkruar nga Newsbomb
Burri denoncon zhdukjen e gruas në Malësinë e Madhe, policia gjen

Një ngjarje e rëndë ka ndodhur në Malësinë e Madhe, ku një grua 48 vjeçe dyshohet të jetë vetëhedhur nga një shpellë, e për pasojë ka humbur jetën.

Policia bën me dije se ka qenë bashkëshorti i saj G.H që ka kallëzuar në polici zhdukjen e gruas së tij Sh.H që prej ditës së djeshme. Efektivët kanë kryer kontrolle në fshatin Meshqerra, ku në afërsi të një gryke kanë gjetur telefonin dhe fletoren e saj, ndaj dyshojnë se 48 vjeçarja është vetëhedhur dhe ka ndërruar jetë.

Për shkak të territorit  shumë të vështirë nuk u bë e mundur gjetja e saj dhe kërkimet janë ndërprerë, pasi pritet që në vendin e ngjarjes, në orët e para të mëngjesit  të mbërrijë edhe forcat e RENEAS dhe FNSH-së me mjete të specializuara për të bërë të mundur gjetjen e  trupit.

Njoftimi i Policisë:

Në Komisariatin e Policisë Malësi e Madhe, shtetasi G. H., banues në fshatin Meshqerraj, Njësia Administrative Gruemire , Malësi e Madhe, ka bërë kallëzim pasi  bashkëshortja e tij, shtetasja  Sh. H., 48 vjeçe është larguar nga banesa në orët e para të paradites së datës 24.12.2021  dhe nuk është kthyer më.

Duke vlerësuar maksimalisht situatën dhe rëndësinë e saj, shërbimet e Komisariatit të Policisë Malësi e Madhe në bashkëpunim me Forcat Operacionale të DVP Shkodër, kanë nisur kërkimet për gjetjen e saj.

Si rezultat i informacioneve të marra në rrugë operative, dhe pas kontrollit në territorin e fshatit Meshqerraj në afërsi të një gryke (shpellë) janë gjetur telefoni i saj dhe një fletore. Dyshohet se kjo shtetase të jetë vetëhedhur në këtë grykë dhe për pasojë dyshohet se ka humbur jetën.

Për shkak të territorit  shumë të vështirë nuk u bë e mundur gjetja e saj dhe kërkimet janë ndërprerë, pasi pritet që në vendin e ngjarjes, në orët e para të mëngjesit  të mbërrijë edhe forcat e RENEAS dhe FNSH-së me mjete të specializuara për të bërë të mundur gjetjen e  trupit të shtetases Sh. H.

Nga ana e grupit hetimor, nën drejtimin e Prokurorisë, po punohet për të sqaruar me detaje motivet e kësaj ngjarjeje.

Sondazh

Poll

Lexo gjithashtu