Një 21-vjeçar ka rënë në prangat e policisë pasi qarkullonte pa leje drejtimi si dhe nuk iu bind urdhërit të efektivit.
Sipas njoftimit të uniformave blu mësohet se shtetasi E.Xh, 21 vjeç, banues në Bulqizë me automjetin e tij është futur në oborrin e një shkolle duke u bërë shqetësim për nxënësit dhe më pas është larguar.
Pas ndjekjes dhe ndalimit për verifikim ka rezultuar se 21-vjeçari drejtonte mjetin pa u pajisur me leje drejtimi. Gjithashtu ky shtetas me datë 01.03.2023, në Klos, nuk i është bindur urdhërit të punonjësit të policisë për të ndaluar.
Ndërkohë, materialet procedurale i kaluan Prokurorisë për veprime të mëtejshme.
Njoftimi i plotë:
Nga shërbimet e Policisë Rrugore u bë arrestimi në flagrancë i shtetasit E.Xh., 21 vjeç, banues në Bulqizë, për veprat penale “Drejtim i automjetit në mënyrë të parregullt”, “Mosbindje ndaj urdhërit të punonjësit të policisë”.
Ky shtetas me automjetin e tij është futur në oborrin e një shkolle duke u bërë shqetësim për nxënësit dhe më pas është larguar. Pas ndjekjes dhe ndalimit për verifikim ka rezultuar se 21-vjeçari drejtonte mjetin pa u pajisur me leje drejtimi. Gjithashtu ky shtetas me datë 01.03.2023, në Klos, nuk i është bindur urdhërit të punonjësit të policisë për të ndaluar.
Materialet procedurale i kaluan Prokurorisë për veprime të mëtejshme.