Një ngjarje e pazakontë ka ndodhur në Itali. Mediet e vendit fqinj raportojnë se mbrëmjen e së martës, katër persona të mbuluar me kapuç hynë fshehurazi në një shtëpi ku ndodheshin dy të moshuar.
Hajdutët mbyllën çiftin në një dhomë, duke i kërcënuar me armë dhe levë, ndërsa u futën në bodrumin e shtëpisë duke kërkuar për diçka specifike.Më pas autorët e kuptuan se në bodrum kishte vetëm kuti të vjetra dhe u rikthyen në dhomën ku kishin mbyllur çiftin e të moshuarve, duke u shpjeguar se ishin të bindur që shtëpia i përkiste një avokati të njohur.
Kur ata e kuptuan se kishin ngatërruar adresë, hajdutët i kërkuan falje të moshuarve, si dhe iu kthyen edhe disa bizhuteri që kishin gjetur në shtëpi.Madje njëri prej tyre u rikthye në bodrum dhe pastroi rrëmujën që lanë pas. Tashmë Policia e Firences po heton historinë dhe rastin e çuditshëm të hajdutëve.