Newsbomb.al ka raportuar me dhjetëra artikuj prej muajit Prill 2023, duke u dhënë zë shqetësimeve të mijëra qytetarëve në gjithë Shqipërinë, të cilët po paguajnë tarifa të larta, kanë mungesë shërbimi dhe sinjali u ndërpritet menjëherë nëse nuk paguajnë, në shkelje flagrante të ligjit. Autoriteti i Komunikimeve Elektronike dhe Postare (AKEP), ka reaguar më në fund pas muajsh apele nga media si Newsbomb.al, gazetarë të caktuar, biznesmenë, politikanë dhe mijëra qytetarë. Grupi i Inspektimit ka kryer një hetim të thelluar mbi veprimtarinë e kompanisë celulare "One Albania" dhe ka arritur të provojë se të gjitha denoncimet tona (në fund të këtij artikulli i gjeni një nga një me link) ishin të drejta dhe të vërteta. Newsbomb.al raportoi ekskluzivisht në muajin Prill 2023 se “ONE Albania” ishte kthyer në rrezik për Sigurinë Kombëtare të Shqipërisë, pasi kishte vendosur të largonte sistemin operativ gjerman që përdorte dhe kishte instaluar një sistem indian. Bëhet fjalë për “Bharat Operating System Solutions”, i njohur si “BOSS”, një sistem i dështuar që ka futur në kolaps kompaninë celulare. Lexo edhe: AKEP gjobit me 100 milionë lekë “One Albania”: Tarifa të larta dhe mungesë shërbimi! Për shkak të mosfunksionimit të sistemit operativ indian, kompania celulare ka dështuar të përfundojë në kohë dhe procesin e bashkimit me kompaninë tjetër “Albtelekom”. Jo vetëm kaq, por edhe pasi ky proces është kryer me sforco të madhe duke lënë abonentët për shumë orë pa shërbim gjatë një dite të tërë, abonentët e “ONE Albania” enden prej muajsh në dyert e dyqaneve sepse nuk mund të marrin zgjidhje për faturimet, kontratat, ofertat roaming dhe shërbimin e internetit në shtëpi. Implementimi i sistemit indian "BOSS" ka shqetësuar dhe ekspertët e telekomunikacionit, të cilët thonë se është e papranueshme që një kompani celulare që ka në dorë numrat dhe të dhënat e më shumë se 1 milion shqiptarëve të vendosë të instalojë një sistem të dështuar operativ siç është ai indian BOSS. Kjo, cënon rëndë sigurinë kombëtare, pasi Shqipëria është një vend i NATO-s dhe nuk mund të largohet nga sistemet perëndimore, për të përqafuar që nuk kanë sukses e as përvojë në fushën e telekomunikacionit, duke ekspozuar kontaktet dhe të dhënat personale. Autoriteti i Komunikimeve Elektronike dhe Postare ka urdhëruar "One Albania" që të rishikojë modulet dhe të gjitha problematikat e sistemit që ka implementuar, brenda 30 (tridhjetë) ditëve nga marrja dijeni e këtij vendimi përfundimtar inspektimi. "Sipërmarrësi “One Albania” sh.a., duhet të rishikojë dhe riparojë të gjitha problemet teknike të evidentuara në arkitekturën e moduleve të sistemit B/00S me qëllim eliminimin e pikave të dështimit si dhe përmirësimin e sistemit brenda 30 (tridhjetë) ditëve nga marrja dijeni e këtij Vendimi përfundimtar inspektimi", thuhet në vendimin e AKEP.

Vendim final per ndeshkimin... by Newsbomb Albania

Lexo edhe: Skandali me “One Albania”/ Kompania u bllokon celularët dhe politikanëve, deputeti Frrok Gjini: Po na vjedhin! LEXO EDHE: Skandali me kompaninë “ONE”/ Gazetari: Më kërkojnë 200 euro për një numër që nuk e kam aktivizuar e as përdorur! Kolegu: Mua refuzojnë të më mbyllin kontratën LEXO EDHE: ONE Albania “i ha kokën” edhe shefit bullgar të IT-së, shkarkohet pas muajsh dështime Svetoslav Nanchev LEXO EDHE: “ONE Albania” në firo, abonentët braktisin kompaninë celulare pas mungesës së shërbimit! Reagon dhe AKEP-i LEXO EDHE: Skandali me kompaninë “ONE”/ Gazetari: Më kërkojnë 200 euro për një numër që nuk e kam aktivizuar e as përdorur! Kolegu: Mua refuzojnë të më mbyllin kontratën LEXO EDHE: “ONE Albania” rrezik për Sigurinë Kombëtare! Dështon bashkimi me Albtelecom, mijëra qytetarë pa shërbim LEXO EDHE: Dështimet e ONE Albania dhe sistemi operativ indian, i “hanë kokën” shefit hungarez për Ballkanin Perëndimor LEXO EDHE: Dështimet e One Albania, abonentët ‘masakrojnë’ në rrjetet sociale: Jeni kompani e degraduar, na keni lënë pa shërbim LEXO EDHE: Vazhdojnë skandalet e “ONE Albania”, u jep klientëve letër bakalli me vulë se nuk lëshon dot as kupon tatimor LEXO EDHE: “Dështimet po i hamë me lezet”, gazetarja vë në lëvizje Autoritetin e Konkurrencës: “ONE Albania” më njofton të paguaj ofertën pas 20 ditësh! LEXO EDHE: Gazetari “shpërthen” ndaj ONE Albania: Paguaj minutat ndërkombëtare, por që nga janari shërbimi nuk punon! Në dyqan më thonë ‘mos u lodh kot’ LEXO EDHE: “5 ditë pa internet, thoni s’kemi ç’bëjmë”, ONE Albania reklamon shërbimet, qytetarët “e masakrojnë” me komente LEXO EDHE: AKEP “kyç gojën” për ONE Albania, kompania celulare probleme edhe me sinjalin, qytetarët ankohen se duhet të bëjnë 2-3 herë një telefonatë LEXO EDHE: “Ne jemi Rrjeti më i mirë”, One Albania reklamon shërbimin, qytetarët vërshojnë me komente: Ju jeni më të paaftët, kemi 4 muaj pa përgjigje Lexo edhe: ONE Albania presion abonentëve me gjyqe e zyra përmbarimi! Abuzimi me kontratat e mbyllura vite më parë dhe rasti i gazetarit që i kërkojnë 200 euro (DOKUMENTI)